بانکی رافیدەینی عێراق بڵاویکردەوە، موچەی مانگی ئایاری کرێکارانی خانەنشین دابەشدەکرێت و جەژنانەشیان پێدەدرێت.
ئەمڕۆ دووشەممە ٢٥ی نیسانی ٢٠٢٢، بانکی رافیدەینی عێراق راگەیەندراوێکی بڵاوکردەوەو تێیدا هاتووە، بڕیاریانداوە مووچەی مانگی ئایار (پێنج)ی کرێکارانی خانەنشین دابەشبکرێت و هەر کرێکارێکی خانەنشین بڕی ١٠٠ هەزار دیناری وەک جەژنانە پێیدەدرێت.
لەراگەیەندراوەکەدا ئاماژەبەوەکراوە، تەواوی رێکارەکانی دابەشکردنی مووچە تەواو کراون و لە رۆژی چوارشەممەوە دەست بەدابەشکردنی دەکرێت.
ئەوەش لەکاتێکدایە لە هەرێمی کوردستان، بەهۆی نەبوونی پارە لەبانکەکاندا هەموو مانگێک دابەشکردنی مووچە دوادەکەوێت، ئەمە جگە لەوەی حکومەتی هەرێم ٢٠٠ ملیارەکەی بەغدا و داهاتی ناوخۆ و خاڵە سنوریییەکانی هەیە.