کورد نیوز:
شارەزایەکى کەشناسى دیارى عێراق
پێشبینیدەکات شەپۆلى سەرما و دابەزینى زیاترى پلەکانى گەرما هەتا رۆژى دووشەممەى
داهاتوو بەردەوام بێت.
کەناڵی کورد نیوز لە تێلیگرام جۆین بکە
سادق عەتییە، شارەزاى کەشناسى دیارى
عێراق لەبڵاوکراوەیەکدا ئاماژەى بەوە کرد "شەپۆلى سەرما و دابەزینى زیاترى پلەکانى
گەرما بەتایبەتى لە شەودا هەتا رۆژى دووشەممەى داهاتوو بەردەوام دەبێت و شارەکانى
هەرێمى کوردستان زیاتر کاریگەر دەبن بە دابەزینى پلەکانى گەرما".
وتیشى "شەپۆلى باران بارین لە
شارەکانى هەولێر و سلێمانى و دهۆک و بارینى بەفر لە بەرزاییەکانى ئەو شارانە هەتا
ئێوارەى رۆژى هەینى بەردەوام دەبێت و پێشبینى ئەوەش دەکرێت کە بەفربارین ناوچە نزمەکان
و سەنتەرى شارى سلێمانى، بگرێتەوە".
ئاماژەشى بەوە کرد "پێشبینى دەکرێت
لە شەوى هەینى و بەرەبەیانى رۆژى شەممە شەپۆلێکى تەم شارى سلێمانى و چەند ناوچەیەکى
شارى هەولێر بەتایبەتى باکورى هەولێر و شارى دهۆکیش بگرێتەوە".