کورد نیوز

کورد نیوز:

بەڕێوبەرى کەشناسى سلێمانى هۆشدارى دەدات بە هاووڵاتیان و ئاماژە بەوە دەکات کە شەختە دروست دەبێت.

لە راگەیەندراوێکدا ئاسۆ كه‌مال، به‌ڕێوه‌به‌ری كه‌شناسی ‌و بومه‌له‌رزه‌زانی سلێمانی ئاماژەى بەوە کرد "پێشبینى دەکرێت کاریگەریى شەپۆلى بەفربارین ئەمشەو و سبەینێ هەینى بەردەوام بێت و کەشوهەوا بە ناجێگیرى دەمێنێتەوە و شەختە دروست دەبێت.

ئاسۆ کەمال داوا لە هاوڵاتیان دەکات له‌كاتی كاری زۆر پێویستدا نه‌بێت هاتوچۆ نه‌كه‌ن‌ و بەپێویستى دەزانێت کە شۆفێران پابه‌ندی ڕێنماییه‌كانی هاتوچۆ بن، چونکە شەختە دروست دەبێت.

روونیشیکردەوە "بەهۆى ئەو شەپۆلەوە ئاستى بینین کەمدەبێتەوە جوڵه‌‌ و ئاراسته‌ی با مامناوه‌ند ده‌بێت، هه‌ندێك جاریش چالاك ده‌بێت، به‌ئاراسته‌ی باشوری ڕۆژهه‌ڵات بۆ باشور وه پله‌كانی گه‌رما نزمه‌‌ و له‌شه‌ودا زیاتر نزم ده‌بێته‌وه‌".